پشاور:آتشزدگی کی وجہ سے 100 سے زائد دکانیں اور پلازے جل کر راکھ

پشاور کے علاقہ نوتھیہ کے قریب دکانوں میں خوفناک قسم کی آتشزدگی پھیل گئی۔100سے زائد دکانیں، 4 پلازے اور15سے زائد گھر جل کر راکھ ہوگئے ہیں۔

ریسکیو ذرائع کے مطابق آتشزدگی کا یہ وقعہ گلبرگ نوتھیہ ریلوے پٹڑی کے قریب پیش آیا ہے،جدھر دکانوں میں شارٹ سرکٹ کی وجہ سے اچانک سے خوفناک آگ بھڑک اٹھی ۔
ریسکیو 1122کی ٹیموں کو فوری طورپر اطلاع  دی گئی۔ریسکیو ٹیموں نےجائے وقوعہ پر پہنچ کر امدادی کارروائیوں شروع کردی۔

اس آگ کو بجھانے کے دوران ہی ریسکیو1122 کی 15 فائر ویکلز، 110 اہلکار،جبکہ 3 ایمبولینسز نے حصہ لیا اس دوران3 فائر فائٹرز کی حالت غیر ہوگئی۔جن میں سے ایک کو فوری طورپر ہسپتال منتقل کیا گیا ہےجبکہ 2 کو موقع پر ہی طبی امداد فراہم کی گئی۔ریسکیو ٹیموں نے سخت محنت کرکے خوفناک آتشزدگی پرقابو پالیا ہے۔
خوفناک آتشزدگی کی وجہ سے 100سے زائد دکانیں، 4 پلازے اور15سے زائد گھر جل کر راکھ ہو گئے ہیں جبکہ اس کے ساتھ ساتھ  کروڑوں کا نقصان بھی ہوا ہے۔