پشاور میں نامعلوم افراد کی فائرنگ کی وجہ سے گلبہار میں ایک شخص ہلاک ہوگیا
ذرائع کے مطابق سوشل ویلفیئر ڈیپارٹمنٹ کے آفیسر ہمایون خان ولد عبد اللہ کی گاڑی پر تھانہ گلبہار کی حدود عشرت سنیما چوک میں کسی نامعلوم افراد نے فائرنگ کر دی۔ہمایون خان اپنے ڈرائیور شفیق اللہ کے ساتھ ڈیوٹی کیلئے راستے میں تھے جب نامعلوم افراد کی فائرنگ سے وہ شدید زخمی ہوگئے۔شدید زخموں کی حالت میں ہمایون خان کو ہسپتال منتقل کیا گیا، لیکن راستے میں زخموں کی تاب نہ لاسکےاوراس طرح وہ جان کی بازی ہار گئے۔
واقعہ کی جائزہ لینے کیلئے ایس پی فقیر آباد اسامہ امین چیمہ فوراً موقع پر پہنچ گئے اور باریک بینی کے ساتھ جائزہ لینے میں مصروف ہیں۔ملوث ملزمان کی تلاش کے لئے اطراف میں لگے سی سی ٹی وی فوٹیج کا جائزہ لیا جا رہا ہے۔ ایس پی فقیر آباد ڈویژن کے اہم افسر اسامہ امین چیمہ نے کہا ہے کہ مزید تفصیلات کے لئے بروقت اطلاعات دی جائیں گی۔
