پشاور ميں بجگی روڈ کے قریب سلنڈر دھماکے کے باعث گھر کی چھت گرنے سے ایک خاتون اور چار بچے زخمی ہو گئے، ریسکیو ٹیموں نے امدادی آپریشن مکمل کرکے تمام زخمیوں کو لیڈی ریڈنگ ہسپتال منتقل کر دیا گیا ۔
پشاور: اطلاع موصول ہوتے ہی ریسکیو کی 3 ایمبولینسز اور ڈیزاسٹر رسپانس ٹیم جائے وقوعہ کی جانب روانہ کر دی گئیں،ریسکیو ٹیم نے موقع پر پہنچ کر فوری امدادی کارروائیاں شروع کر دیں اور ملبے تلے دبے افراد کو نکالنے کے لیے سرچ اینڈ ریسکیو آپریشن کیا ۔
ابتدائی اطلاعات کے مطابق ملبے تلے دبے دو بچوں کو تشویشناک حالت میں نکال کر ریسکیو ایمبولینسز کے ذریعے لیڈی ریڈنگ ہسپتال منتقل کر دیا گیا، جبکہ دیگر دو بچوں اور ایک خاتون کو بھی زخمی حالت میں ہسپتال منتقل کیا گیا ۔
پشاور: ریسکیو 1122 کے اہلکاروں نے سرچ اینڈ ریسکیو آپریشن مکمل کر لیا ہے اور تمام زخمیوں کو لیڈی ریڈنگ ہسپتال منتقل کر دیا گیا ۔
ریسکیو حکام کے مطابق زخمی ہونے والوں میں 12 سال کے اذان ، 8 سال کےفیضان ، 5 سال کے مصطفیٰ شامل ہیں جبکہ البصر اللہ او خاتون کی عمر نمعلوم نہ ہو سکی ۔
