میڈیا رپورٹس میں دعویٰ کیا جارہا ہے کہ پاکستان کرکٹ بورڈ مستقبل میں پی ایس ایل کے 11ویں اور 12ویں ایڈیشن کیلئے نئی ونڈو تلاش کررہا ہے ۔
رپورٹس کے مطابق پاکستان سپر لیگ کے 11ویں ایڈیشن کو دسمبر 2025 سے جنوری 2026 کے درمیان شیڈول رکھنے کی تجویز ہے تاکہ لیگ کو دیگر بین الاقوامی ٹورنامنٹس سے ٹکراؤ سے بچایا جاسکے ۔
اسی طرح 12ویں ایڈیشن کیلئے ممکنہ تاریخیں جنوری اور فروری 2027 کے درمیان ہو سکتی ہیں، پی ایس ایل کے 11ویں اور 12ویں ایڈیشن کی ممکنہ تاریخیں حتمی نہیں ہیں، ان میں بین الاقوامی شیڈول کے مطابق تبدیلی ہو سکتی ہے ۔
2026 میں ہونیوالی پاکستان سپر لیگ میں ٹیموں کی تعداد 8 ہونے کا بھی امکان ہے تاکہ ٹورنامنٹ کو زیادہ مقبولیت دی جاسکے ۔
پی سی بی پاکستان سپر لیگ کے 2026 ایڈیشن کے دوران پشاور کو نمائشی میچز کی میزبانی بھی دے گا کیونکہ حالیہ سیزن میں سٹیڈیم کی حالت زار بہتر نہ ہونے کے باعث میچز کا انعقاد ممکن نہیں ہو سکا تھا ۔
