خیبرپختونخوا میں پرائمری اسکول 13 جنوری تک بند رہیں گے
خیبرپختونخوا میں پرائمری اسکولوں کی چھٹیاں مزید بڑھا دی گئیں۔ چھٹیوں کا فیصلہ دھند اور سردی کی شدت میں اضافے کی وجہ سے کیا گیا۔ محکمہ تعلیم خیبرپختونخوا نے چھٹیوں میں اضافے کا نوٹیفکیشن جاری کردیا۔ اعلامیے کے مطابق خیبرپختونخوا کے نجی اور سرکاری پرائمری اسکول 13 جنوری تک بند رہیں گے۔
دوسری جانب مڈل، ہائی اور ہائر سیکنڈری اسکولوں کےاوقات بھی تبدیل کردیے گئے۔ مڈل، پرائمری، ہائرسیکنڈری اسکول صبح ساڑھے 9 بجے کھل کر ساڑھے تین بجے بند ہوں گے۔