پی ٹی آئی پنجاب شاخ کے رہنماؤں نے 24نومبر کو احتجاج کی کھل کر مخالفت کردی۔ ذرائع کے مطابق پی ٹی آئی پنجاب کے رہنماؤں کی جانب سے احتجاج کی کال پر اختلاف سامنے آگئے ہیں اور پنجاب کے رہنمائوں نے اپنے تحفظات کا اظہار کردیا ہے۔
اراکین نے گلہ کیا کہ پشاور میں ہونے والا اجلاس پنجاب کا تھا مگر پنجاب کے رہنماؤں کو نظر انداز کیا گیا، علی امین گنڈا پور نے حماد اظہر اور میاں اسلم اقبال کو پنجاب کے حوالے بات ہی نہیں کرنے دی۔ ارکان نے شکوہ کیا کہ احتجاج کے حوالے سے پلاننگ پر کوئی بات چیت نہیں کی گئی، کارکنوں اکٹھا کرکے اسلام آباد لے جانے میں مشکلات ہیں۔
پی ٹی آئی ذرائع کے مطابق پنجاب میں کرایہ پر گاڑیاں نہیں مل رہیں جبکہ ٹرانسپورٹرز بھی گاڑی دینے کو تیار نہیں ہیں۔
