لاہور سمیت پنجاب میں عام انتخابات کے لئے مختلف شہروں میں فوج تعینات کر دی گئی ہے
الیکشن کے روز محکمہ داخلہ پنجاب نے سکیورٹی کو فول پروف بنانے کے لیے لاہور، قصور اور شیخوپورہ میں فوجی دستوں کو تعینات کر دیا ہے ہے جبکہ کل تک چکوال اور منڈی بہاء الدین میں فوج تعینات کر دی جائے گی۔
محکمہ داخلہ پنجاب کا کہنا ہے کہ کل تک جہلم، سرگودھا، جھنگ، فیصل آباد، ملتان اور دیگر اضلاع میں بھی فوج کو تعینات کر دیا جائے گا، اس سلسلے میں تمام اضلاع کے حکام پاک فوج سے رابطے میں ہیں۔صوبائی محکمہ داخلہ کے مطابق الیکشن کے دوران اولین ترجیح امن و امان کی صورتحال کو برقرار رکھنا ہے الیکشن سے جڑے جس کے لیے تمام انتظامات کا باریک بینی سے جائزہ لیا جا رہا ہے۔
یادرہے کہ ملک بھر میں عام انتخابات کے لیے نگران وفاقی کابینہ نے پاک فوج کی تعیناتی کی منظوری دی ہے، امن و امان کی صورتحال کو یقینی بنانے کے لیے الیکشن والے روز تین حصوں میں سکیورٹی کو تقسیم کیا گیا ہے، پہلی لیئر پولیس کی ہو گی، دوسری لیئر رینجرز جبکہ تیسری لیئر میں پاک فوج ہو گی۔
