Latest Urdu news from Pakistan - Peshawar, Lahore, Islamabad

معروف گلوکار سےمداح نےآٹوگراف کے بہانے شادی کے سرٹیفکیٹ پر دستخط کرالیے

ہالی وڈ کے معروف گلوکار لوئس ٹاملنسن سےمداح نےآٹوگراف کے بہانے شادی کے سرٹیفکیٹ پر دستخط کرالیے اور اس کے بعد سوشل میڈیا پر تصویر پوسٹ کردی
غیر ملکی میڈیا رپورٹ کے مطابق بے دھیانی میں ماضی کے مقبول ترین برطانوی میوزک بینڈ ’ون ڈائریکشن‘ کے ممبر  لوئس ٹاملنسن نےشادی کے سرٹیفکیٹ پر دستخط کردیے۔یہ بات یہاں قابلِ ذکر ہے کہ اب مشہور گانا ‘نائٹ چینجز’ بنانے والا یہ بینڈ ختم ہوچکا ہے،2010 میں بننے والا یہ ون ڈائریکشن نامی بینڈ 2016 میں ختم ہوگیا تھا، گلوکار زین ملک سمیت اس بینڈمیں لوئس ٹاملنسن، لیام پیئن، ہیری اسٹائلز اور نائل ہوران شامل تھے،اب جبکہ یہ سب لوگ اپنے اپنے گانے بناتے ہیں۔میڈیا رپورٹ کے مطابق اپنے کانسرٹس میں ان دنوں لوئس انڈونیشیا میں مصروف ہیں، جکارتہ میں اسی دوران ایک کانسرٹ میں مداحوں کا جہاں سمندر امڈا ہوا تھا، لوئس نے فیصلہ کیا کہ اپنے مداحوں کو وہ آٹوگرافس دیں گے۔
جب لوگ ایک کے بعد آٹوگراف لے رہے تھے،اسی دوران لوئس کو ایک خاتون نے شادی کا سرٹیفکیٹ تھما دیا، گلوکار نے دیکھے بغیر ہی اس پر اپنے دستخط کردیے۔اس وقت یہ بات پتہ چلی خاتون نے جب گھر جاکر ٹک ٹاک پر اس سرٹیفکیٹ کی تصویر ڈالی اور یہ دعویٰ کیا کہ لوئس اور وہ شادی شدہ ہیں، ریپبلک آف انڈونیشیا کے میرج سرٹیفکیٹ میں گلوکار لوئس اور خاتون کی تصویر تھی اور دونوں کے تصویر کے درمیان دستخط ہوئے تھے۔
 ٹک ٹاک پر خاتون مداح نے بتایا کہ وہ اس کانسرٹ میں بطور سنگل خاتون کے گئی تھیں لیکن یہاں سے اب وہ شادی کرکے واپس لوٹی ہیں اور ان کا نکاح گلوکار لوئس ہوچکا ہے۔میڈیا رپورٹ کے مطابق  انڈونیشیا کے قانون کے تحت اس وقت شادی کو صرف مانا جائے گا جب دلہا اور دلہن کی شادی کی تقریب منعقد کی جائے اور اس میں دوست احباب اور رشتہ دار شامل ہوں گئےاسی لیےقانونی اعتبار سے گلوکار  لوئس کے دستخط کردہ سرٹیفکیٹ کی کوئی اہمیت نہیں ہے۔

جواب چھوڑیں

آپ کا ای میل ایڈریس شائع نہیں کیا جائے گا.