پشاور: پاکستان کے عالمی شہرت یافتہ اسکواش چیمپئن قمر زمان نے خیبر ٹیلی ویژن نیٹ ورک کی کھیلوں کے فروغ میں خدمات کو سراہتے ہوئے کہا ہے کہ ادارے نے گزشتہ 22 برسوں کے دوران اپنے مختلف پروگراموں کے ذریعے قومی اور علاقائی کھلاڑیوں کو نہ صرف بھرپور پذیرائی دی بلکہ انہیں دنیا بھر میں متعارف کرانے میں بھی اہم کردار ادا کیا۔
اخبار خیبر سے گفتگو کرتے ہوئے قمر زمان نے کہا کہ خیبر ٹیلی ویژن نیٹ ورک نے ہمیشہ کھلاڑیوں کی صلاحیتوں، کامیابیوں اور پاکستان کے لیے ان کی گرانقدر خدمات کو اجاگر کیا، جس سے کھیلوں کے فروغ اور نوجوان کھلاڑیوں کی حوصلہ افزائی میں مدد ملی۔
انہوں نے مزید کہا کہ وہ خیبر ٹی وی، خیبر نیوز اور کے ٹو کو اپنا فیملی چینل سمجھتے ہیں اور انہیں ان اداروں کی جانب سے ہمیشہ عزت، محبت اور احترام ملا، جس پر وہ دلی طور پر شکر گزار ہیں۔
