بنگلادیش کےخلاف 3 ٹی20 انٹرنیشنل میچز کی سیریز کے شیڈول کا اعلان کردیا گیا ،پاکستان اور میزبان بندگلہ دیش کے درمیان 3 ٹی ٹوینٹی میچز کا آغاز 20 جولائی سے ہوگا ۔
پاکستان کرکٹ بورڈ کی جانب سے جاری اعلامیے میں کہا گیا ہے کہ پاکستان کرکٹ ٹیم بنگلادیش کیخلاف ٹی ٹوینٹی سیریز کھیلنے 16 جولائی کو روانہ ہوگی ۔
پاک بنگلادیش سیریز کا پہلا میچ 20 جولائی کو ڈھاکہ کے شیر بنگلہ نیشنل کرکٹ سٹیڈیم میں کھیلا جائے گا، دوسرا میچ 22 اور سیریز کا تیسرا اور آخری ٹی ٹوینٹی میچ 24 جولائی کو ڈھاکہ میں ہی کھیلا جائے گا ۔
پی سی بی کی جانب سے جاری اعلامیے میں کہا گیا ہے کہ تینوں میچز پاکستانی وقت کے مطابق شام 5 بجے شروع ہوں گے ۔
دونوں ٹیموں نے حال ہی میں لاہور کے قذافی سٹیڈیم میں 3 میچوں کی ٹی20 سیریز میں مدمقابل آئیں تھی جہاں گرین شرٹس نے کلین سوئپ کیا تھا ۔
