اسلام آباد: وزیرِ اعظم محمد شہباز شریف نے زیارت میں فتنہ الخوارج کی جانب سے پولیس چوکی پر دہشتگرد حملے کی شدید الفاظ میں مذمت کی ہے۔
انہوں نے حملے میں شہید ہونے والے ایس ایچ او سمیت پولیس اہلکاروں کو خراجِ عقیدت پیش کیا ہے۔وزیرِ اعظم نے شہداء کی بلندی درجات اور ان کے اہل خانہ کیلئے صبر کی دعا کی ہے۔
وزیر اعظم نے کلیئرنس آپریشن میں 15 دہشت گردوں کو ہلاک کرنے پر سکیورٹی فورسز کو خراجِ تحسین پیش کیا ہے۔
انہوں نے کہا ہے کہ فتنہ الخوارج کے حملے نے ایک مرتبہ پھر سے ثابت کردیا کہ یہ لوگ بلوچستان کی ترقی و امن اور عوام کی خوشحالی کے دشمن ہیں۔
وزیراعظم نے واضح کیا ہے کہ شہداء کی قربانی رائیگاں نہیں جائے گی، اور ان کے خون کا حساب لیا جائے گا۔
انہوں نے کہا ہے کہ کسی کو بلوچستان کے امن کو نقصان پہنچانے نہیں دیں گے۔امن دشمن دہشتگردوں کے سد باب تک انکے خلاف جنگ جاری رکھیں گے۔
