خبیر پختونحوا کے علاقے جنوبی وزیرستان میں سکیورٹی فورسز نے دہشت گردوں کا بڑا حملہ ناکام دیا ، دوران کارروئی 4 خوارج ہلاک ہو گئے، سکیورٹی فورسز نے بروقت کارروائی کرتے ہوئے دھماکہ خیز مواد سے لدی گاڑی کو چیک پوسٹ کی حدود سے باہر ہی تباہ کر دیا ۔
پاک فوج کے شعبہ تعلقات عامہ کے بیان کے مطابق جنوبی وزیرستان میں سکیورٹی فورسز نے دہشت گردوں کی جانب سے چیک پوسٹ پر کیے گئے بڑے حملے کو بروقت کارروائی کرتے ہوئے ناکام بنایا ۔
آئی ایس پی آر نے بتایا کہ کارروائی کے دوران بھارتی سرپرستی میں سرگرم فتنہ الخوارج کے 4 دہشت گرد ہلاک کر دیے گئے جن میں ایک خودکش حملہ آور بھی شامل تھا ۔
ترجمان کا کہنا تھا کہ دہشت گرد بارود سے بھری گاڑی کے ذریعے چیک پوسٹ کو نشانہ بنانا چاہتے تھے تاہم سکیورٹی فورسز نے بروقت کارروائی کرتے ہوئے دھماکہ خیز مواد سے لدی گاڑی کو چیک پوسٹ کی حدود سے باہر ہی تباہ کر دیا، جس کے باعث بڑا نقصان ٹل گیا ۔
آئی ایس پی آر کے مطابق ابتدائی کارروائی کے بعد کیے گئے کلیئرنس آپریشن میں قریبی عمارت میں چھپے مزید 3 دہشت گردوں کو بھی ہلاک کر دیا گیا ۔
علاوہ ازیں پوری کارروائی کے دوران سکیورٹی فورسز کا کوئی جانی نقصان نہیں ہوا جب کہ علاقے میں سرچ اور سینیٹائزیشن آپریشن جاری ہے تاکہ ممکنہ طور پر موجود دیگر دہشت گردوں کا بھی خاتمہ کیا جا سکے ۔
ترجماننے بتایا کہ کہ عزمِ استحکام کے تحت دہشت گردی کے مکمل خاتمے تک کارروائیاں بلا تعطل جاری رہیں گی، جبکہ سکیورٹی فورسز اور قانون نافذ کرنے والے ادارے ملک سے دہشت گردی کے ناسور کے مکمل خاتمے کے لیے پُرعزم ہیں ۔
