آئی ایس پی آر کی جانب سے جاری بیان میں کہا گیا ہے کہ انسدادِ منشیات آپریشن شمالی بحیرہ عرب میں کیا گیا ۔
نیول فضائی اثاثوں کی مدد سے پی این ایس معاون نے مشکوک کشتی پر بورڈنگ آپریشن کرکے منشیات قبضے میں لے لیں، جو کشتی کے خفیہ خانوں میں چھپائی گئی تھیں ۔
آئی ایس پی آر نے کہا ہے کہ ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالر ہے ۔
آئی ایس پی آر کے مطابق منشیات کی یہ کھیپ سمندر کے راستے بین الاقوامی مقامات تک پہنچائی جا رہی تھی،پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئے ہمہ وقت سرگرم ہے ۔
