ٹی ٹوئنٹی ورلڈ کپ۔پاک بھارت میچ کی ٹکٹیں لاکھوں روپے میں فروخت ہونے لگیں
ٹی20ورلڈکپ میں پاکستان اور بھارت کے درمیان نیویارک میں شیڈول میچ کی ٹکٹیں ری سیل سائٹس پر لاکھوں کروڑوں میں فروخت کے لئے پیش ہونے لگیں۔یادرہے کہ 9جون کو شیڈول اس میچ کی کم سے کم ٹکٹ کی آفیشل قیمت 6ڈالر ہے تاہم ری سیل مارکیٹ میں یہ دگنے یا اس سے بھی زائد دام میں فروخت کے لئے پیش کی جارہی ہیں۔روایتی حریفوں کے درمیان اس ہائی وولٹیج میچ کا وی آئی پی ٹکٹ 400ڈالر کا ہے۔ ری سیل سائٹس پر اس کیلئے 50ہزار ڈالر تک مانگے جارہے ہیں۔ کچھ ٹکٹ کے لئے یہ رقم اضافی فیس کے بعد پاکستانی روپے میں لاکھوں کروڑوں تک پہنچ رہی ہے۔شائقین کرکٹ کا کہناہے کہ ٹکٹ جتنی مرضی مہنگی ہوجائے مگر میچ ضرور دیکھیں گے۔
