ٹی ٹوئنٹی ورلڈکپ میں زمبابوے نے سری لنکا کو آؤٹ کلاس کرتے ہوئے 6 وکٹوں سے شکست دیدی، سری لنکا کا 179 رنز ہدف زمبابوے نے آخری اوور میں 4 وکٹوں کے نقصان پر پورا کرکے گروپ میں پہلی پوزیشن حاصل کرلی ۔
کولمبو میں کھیلے گئے گروپ بی کےمیچ میں سری لنکا نے ٹاس جیت کر پہلے بیٹنگ کرنے کا فیصلہ کیا، اور مقررہ اوورز میں 7 وکٹوں کے قنصان 178 رنز بنائے ۔
سری لنکا کی جانب سے پاتھن نسنکا 62 اور پون راتھ نائکے 44 رنز کے ساتھ نمایاں رہے، زمبابوے کی جانب سے بلیسنگ مزاربانی اور براڈ ایوانز نے 2،2 کھلاڑیوں کو آوٹ کیا ۔
جواب میں زمبابوے نے سری لنکا کا 179 رنز کا ہدف با آسانی آخری اوور میں 4 وکٹوں کے نقصان پر حاصل کیا اور گروپ بی میں پہلی پوزیشن حاصل کی ۔
زمبابوے کی جانب سے برائن بیننٹ 63 رنز بناکر ناقابل شکست رہے،ا س کے علاوہ مارومانی 34، ریان برل 23، کپتان سکندر رضا نے جارحانہ 45 رنز کی اننگز کھیلی اور میچ کے بہترین کھلاڑی قرار پائے ۔
واضح رہے کہ گروپ بی سے سری لنکا اور زمبابوے پہلے ہی سپر 8 مرحلے کیلئےکوالیفائی کرچکے ہیں ، زمبابوے کی ٹیم نے اس سے قبل گروپ میچ میں آسٹریلیا کو بھی شکست دی تھی ۔
