بنوں میں امن کمیٹی پر دہشتگردوں کی فائرنگ سے 4 افراد جاں بحق ہوگئے، جاں بحق ہونے والوں میں پباپ بیٹا بھی شامل ہیں ۔
بنوں: پولیس کے مطابق بنوں میں تھانہ ہوید کی حدود مزنگہ چوک میں عسکریت پسندوں نے گاڑی میں سوار امن کمیٹی کے ارکاین کو نشانہ بنایا ۔
پولیس کا کہنا ہےکہ امن کمیٹی کے ممبران گلبدین لنڈائی ڈاک میں جرگے سے واپس آرہے تھے کہ اس دوران گھات لگائے دہشتگردوں نے ان پر اندھا دھند فائرنگ کردی جس کے نتیجے میں 4 افراد جاں بحق ہوگئے۔
پولیس کا بتانا ہےکہ جاں بحق ہونے والوں میں باپ بیٹا بھی شامل ہیں ۔
پولیس کے مطابق واقعے کے بعد علاقے کو گھیرے میں لے کر سرچ آپریشن شروع کردیا گیا جب کہ جاں بحق افراد کی لاشیں ڈسٹرکٹ ہیڈ کوارٹر اسپتال منتقل کردی گئی ہیں ۔
