لکی مروت کے علاقے نصرخیل میں دہشت گردی کا افسوسناک واقعہ پیش آیا جہاں دو درجن سے زائد مسلح دہشت گردوں نے رات گئے ایک پولیس اہلکار کے گھر پر دھاوا بول دیا۔ پولیس کے مطابق دہشت گردوں نے گھر میں گھس کر پولیس کانسٹیبل دستگیر کو اہلِ خانہ کے سامنے فائرنگ کر کے شہید کر دیا۔
پولیس کا کہنا ہے کہ حملہ آوروں نے اندھا دھند فائرنگ کی جس کے نتیجے میں کانسٹیبل دستگیر موقع پر ہی جان بحق ہو گئے، جبکہ اہلِ خانہ معجزانہ طور پر محفوظ رہے۔ واقعے کے بعد دہشت گردوں نے گھر میں موجود سامان کو آگ لگا دی اور فرار ہو گئے۔
واقعے کی اطلاع ملتے ہی پولیس کی بھاری نفری موقع پر پہنچ گئی، علاقے کو گھیرے میں لے کر سرچ آپریشن شروع کر دیا گیا ہے۔ پولیس حکام کے مطابق حملہ آوروں کی گرفتاری کے لیے مختلف مقامات پر چھاپے مارے جا رہے ہیں۔
