عید الاضحیٰ کے موقع پر عوام کیلئے خوشخبری، پٹرولیم ڈویژں کے مطابق وفاقی حکومت نے پٹرولیم مصنوعات کی قیمتوں میں کمی کا اعلان کر دیا ۔
اسلام آباد:پٹرولیم ڈویژں کی جانب سے جاری نوٹیفکیشن کے مطابق حکومت نے پٹرول اور ڈیزل کی قیمتوں میں کمی کردی ۔
وزارت پٹرولیم کی جانب سے جاری اعلامیے کے مطابق پٹرول کی قیمت میں 6 روپے اور ڈیزل کی قیمت میں 6 روپے 80 پیسے فی لٹر کمی کر دی گئی ہے ۔
وزارت پٹرولیم کے نوٹی فکیشن میں کہا گیا ہے کہ عالمی منڈی میں تیل قیمتوں میں اضافے کے باوجود پاکستان میں کمی کی گئی ہے ۔
پٹرولیم مصنوعات کی نئی قیمتوں کا اطلاق رات 12 بجے سے ہوگیا، اور یہ قیمتیں آئندہ ایک ہفتے تک برقرار رہیں گی ،اگلے جمعے کو دوبارہ قیمتوں کا تعین کیا جائے گا ۔
واضح رہے کہ گزشتہ جمعے کو بھی حکومت نے پٹرول اور ڈیزل کی قیمت میں 5 روپے فی لٹر کمی کی تھی، کمی کے بعد پٹرول کی فی لٹر قیمت 402 روپے فی لٹر مقرر ہو گئی ہے ۔
