سری لنکا میں جاری ساؤتھ ایشین کراٹے چیمپئن شپ میں پاکستان کے دو کھلاڑیوں نے کامیابیاں حاصل کرکے گولڈ میڈل جیت لیے،حذیفہ ارشد نے کیڈت انفرادی کاتا جبکہ آئینہ نوئیل نے انڈر 12 پلس 40 کے جی کلاس میں گولڈ میڈل اپنے نام کئے ۔
ساؤتھ ایشین کراٹے چیمپئن شپ میں پاکستان نے میدان مارلیا، پہلے انڈر 10 کیٹیگری میں حذیفہ ارشد نے کیڈت انفرادی کاتا میں گولڈ میڈل اپنے نام کیا ۔
اس کے بعدآئینہ نوئیل نے پاکستان کے لیے گولڈ میڈل جیت لیا، آئینہ نوئیل نے انڈر 12 پلس 40 کے جی کلاس میں گولڈ میڈل جیتا ۔
ان فتوحات کے بعد دو گولڈ، ایک سلور اور سات برانز کے ساتھ ٹورنامنٹ میں پاکستانی کھلاڑیوں کے حاسل کردہ میڈلز کی تعداد 10 ہوگئی ہے ۔
سری لنکا کے دارالحکومت کولمبو میں جاری ساوتھ ایشین کراٹے چیمپیئن شپ میں بھارت، سری لنکا، بنگلہ دیش، نیپال اور بھوٹان کی ٹیموں نے حصہ لیا ۔
