Close Menu
اخبارِخیبرپشاور
    مفید لنکس
    • پښتو خبرونه
    • انگریزی خبریں
    • ہم سے رابطہ کریں
    Facebook X (Twitter) Instagram
    جمعرات, اکتوبر 23, 2025
    • ہم سے رابطہ کریں
    بریکنگ نیوز
    • جنوبی افریقہ کے خلاف وائٹ بال سیریز کیلئے قومی سکواڈ کا اعلان، بابراعظم کی واپسی
    • وزیراعظم شہبازشریف سے خیبرپختونخوا کے اراکین پارلیمنٹ اور لیگی رہنماوں کی ملاقات
    • سوشل میڈیا پر ریاست مخالف مواد پھیلانے کے الزام میں پی ٹی آئی رہنما شاندانہ گلزار کیخلاف مقدمہ درج
    • دالبندین میں سیکیورٹی فورسز کی کامیاب کارروائی، 6 دہشت گرد ہلاک
    • میرعلی میں نامعلوم ملزمان نے فائرنگ کے بعد گاڑی کو آگ لگا دی، 6 افراد جھلس کر دم توڑ گئے
    • پاکستان کی غزہ میں اسرائیل کے تازہ حملوں کی مذمت، عالمی برادری سے شرم الشیخ معاہدے پر عمل درآمد کا مطالبہ
    • راولپنڈی ٹیسٹ، دوسری اننگز میں ٹاپ آرڈر کی ناکامی پر پاکستان ٹیم مشکلات سے دوچار
    • باجوڑ: سیکیورٹی فورسز سے جھڑپ کے دوران ایک دہشت گرد ہلاک، متعدد زخمی حالت میں فرار،ذرائع
    Facebook X (Twitter) RSS
    اخبارِخیبرپشاوراخبارِخیبرپشاور
    پښتو خبرونه انگریزی خبریں
    • صفحہ اول
    • اہم خبریں
    • قومی خبریں
    • بلوچستان
    • خیبرپختونخواہ
    • شوبز
    • کھیل
    • دلچسپ و عجیب
    • بلاگ
    اخبارِخیبرپشاور
    آپ پر ہیں:Home » دنیا اسرائیل کے خلاف متحد۔۔۔؟
    بلاگ

    دنیا اسرائیل کے خلاف متحد۔۔۔؟

    مئی 29, 2025کوئی تبصرہ نہیں ہے۔5 Mins Read
    Facebook Twitter Email
    Three Global Blocs Rise Against Israel
    Israel Under Pressure as New Alliances Form
    Share
    Facebook Twitter Email

    دنیا میں سیاسی حالات بڑی تیزی سے بدل رہے ہیں اور اس وقت ایک ایسا منظرنامہ اُبھر رہا ہے جس نے اسرائیل کو سفارتی اور جغرافیائی طور پر شدید دباؤ میں ڈال دیا ہے۔ موجودہ صورتحال میں اسرائیل کے خلاف تین بڑے بلاکس بن چکے ہیں، جن کی تشکیل اور پالیسیوں نے صیہونی ریاست کو نہ صرف تنہا کر دیا ہے بلکہ اس کی بقا کو بھی چیلنج کر دیا ہے۔

    پہلا بلاک پاکستان کی قیادت میں اُبھر رہا ہے، جس میں ترکیہ، ایران، آذربائیجان اور تاجکستان شامل ہیں۔ حالیہ پاکستان اور بھارت کے درمیان کشیدگی کے دوران اسرائیل نے کھل کر بھارت کی حمایت کی، جس سے یہ واضح ہو گیا کہ دشمن کا دوست، دشمن ہی ہوتا ہے۔ اس تناظر میں اسرائیل اب پاکستان کے دشمنوں کی صف میں شمار ہونے لگا ہے۔

    دوسری جانب ترکیہ اور آذربائیجان نے اس موقع پر پاکستان کی حمایت کی، کیونکہ ان دونوں ممالک کے بھارت کے ساتھ تعلقات خوشگوار نہیں ہیں۔اسی سلسلے میں وزیراعظم شہباز شریف اور فیلڈ مارشل عاصم منیر ایک اعلیٰ سطحی وفد کے ہمراہ ایران، ترکیہ، آذربائیجان اور تاجکستان کے دورے پر ہیں۔ پاکستان کی خواہش ہے کہ ان ممالک کے ساتھ تعلقات مزید مستحکم کیے جائیں تاکہ بھارت اور اسرائیل کے اثر و رسوخ کو محدود کیا جا سکے۔

    ایران کے پہلے سے اسرائیل کے ساتھ تعلقات کشیدہ ہیں، اور وزیراعظم شہباز شریف نے تہران کے دورے کے دوران ایران کے جوہری پروگرام کی حمایت کا اعلان بھی کیا، جو ایک اہم سفارتی پیش رفت سمجھی جا رہی ہے۔

    دوسرا بلاک امریکہ اور عرب ممالک پر مشتمل ہے۔ سابق امریکی صدر ڈونلڈ ٹرمپ کے مشرق وسطیٰ کے دورے میں اسرائیل کو نظر انداز کیا گیا، اور کئی ایسے اقدامات کیے گئے جو اسرائیل کو کسی طور بھی قبول نہیں۔

    ان اقدامات میں شامل ہیں:شام کے عبوری صدر سے ملاقات اور ان کی تعریف،شام پر پابندیاں ختم کرنے کا عندیہ،یمن میں حوثی باغیوں اور حکومتی فوج کے درمیان جنگ بندی،حماس کے ساتھ مذاکرات اور غزہ میں امریکی قیدی کی رہائی کے لیے ڈیل، ترکیہ کے صدر کی تعریف اور پابندیاں ہٹانے کا اشارہ اور ایران کے ساتھ جوہری پروگرام پر مذاکرات کا اعلان۔۔۔یہ تمام اقدامات اسرائیل کے لیے سخت ناپسندیدہ ہیں۔

    دوسری طرف عرب ممالک اس وقت امریکہ میں تقریباً ایک ٹریلین ڈالر کی سرمایہ کاری کر رہے ہیں، جس کی وجہ سے ٹرمپ کے لیے اسرائیل کے مقابلے میں عرب ممالک زیادہ اہمیت اختیار کر چکے ہیں۔

    عرب ممالک ہر صورت میں فلسطین-اسرائیل مسئلے کا حل چاہتے ہیں، جس کی کئی وجوہات ہیں:

    عرب دنیا میں زیادہ تر حکومتیں بادشاہت یا شخصی حکمرانی پر مبنی ہیں، اور غزہ کی صورتحال کے بعد عوامی رائے اسرائیل کے خلاف ہو چکی ہے۔ ان حکومتوں کو خطرہ ہے کہ کوئی اندرونی یا بیرونی مخالف اس عوامی ردعمل کو ان کے خلاف استعمال نہ کر لے۔

    دوسری وجہ اگر اسرائیل نے غزہ اور پھر پورے فلسطین پر قبضہ کر لیا، تو لاکھوں افراد ہجرت کرکے عرب ممالک اور یورپ کا رخ کریں گے، جو ان کے لیے ناقابلِ برداشت صورتحال ہوگی۔

    تیسرا بلاک یورپی ممالک کا ہے۔ مارچ میں اسرائیلی وزیراعظم کی جانب سے غزہ میں جنگ بندی کے معاہدے کی خلاف ورزی اور امدادی سامان کی ترسیل بند کرنے کے بعد اقوام متحدہ نے انتباہ جاری کیا کہ اگر امداد کی فراہمی بحال نہ کی گئی تو 14 ہزار بچے بھوک سے مر جائیں گے۔

    اس کے بعد فرانس، کینیڈا اور برطانیہ نے مشترکہ بیان جاری کرتے ہوئے اسرائیل کو خبردار کیا کہ اگر امدادی سامان کی فراہمی فوری طور پر بحال نہ کی گئی تو وہ نہ صرف اسرائیل کے ساتھ سفارتی تعلقات ختم کریں گے بلکہ اس پر پابندیاں عائد کرنے پر بھی غور کریں گے۔

    یورپی ممالک کے اسرائیل کے خلاف سخت رویے کی دو بڑی وجوہات ہیں۔ ان ممالک میں بھی عوامی رائے اسرائیل کے خلاف ہو چکی ہے، اور سیاسی جماعتیں عوامی حمایت کے بغیر انتخابی میدان میں کمزور ہو رہی ہیں۔ جیسا کہ امریکہ میں ٹرمپ کو غزہ میں جنگ بندی کی حمایت پر ووٹ ملے، مگر وہ تاحال کامیاب نہ ہو پائے۔

    اسپین، ڈنمارک اور نیدرلینڈ پہلے ہی غزہ کو بطور ریاست تسلیم کر چکے ہیں، اور دیگر یورپی ممالک بھی اس سمت میں سوچ رہے ہیں۔ وہ نہیں چاہتے کہ تاریخ میں ان کا شمار ان ممالک میں ہو جو اسرائیل کے نسل کشی کے وقت اس کے اتحادی تھے۔

    اس سے بڑی پیش رفت اگلے ماہ یعنی 14 جون کو ہونے والا نیویارک میں اجلاس ہے، جو سعودی عرب اور فرانس کی زیرِ صدارت اقوام متحدہ کے زیرِ انتظام منعقد ہو رہا ہے۔ اس کانفرنس میں اسرائیل اور فلسطین کے درمیان دو ریاستی حل کے لیے جامع منصوبہ بندی اور حکمت عملی تیار کی جائے گی۔ یہ صرف رسمی کارروائی نہیں ہوگی، بلکہ اس پر عملی اقدامات بھی کیے جائیں گے۔

    موجودہ عالمی منظرنامے میں ہر ملک اپنے مفادات کے تحت فیصلے کر رہا ہے، مگر جو پالیسیاں تشکیل پا رہی ہیں وہ زیادہ تر غزہ کی حمایت میں اور اسرائیل کے خلاف جا رہی ہیں۔ دنیا میں بننے والے یہ تین بڑے بلاکس — اسلامی بلاک، امریکہ-عرب بلاک، اور یورپی بلاک — اسرائیل کو سفارتی طور پر گھیرے میں لے چکے ہیں، اور یہ صورتحال اسرائیل کے لیے شدید تشویش کا باعث بن چکی ہے۔

    Share. Facebook Twitter Email
    Previous Articleپاکستان کے پہلے سرکاری سٹریٹجک بٹ کوائن ریزرو کے قیام کا اعلان
    Next Article آزاد کشمیر میں بھی دہشتگردی کیلئے افغانستان کی سرزمین کے استعمال کا انکشاف
    Tahseen Ullah Tasir
    • Facebook

    Related Posts

    خیبر پختونخوا حکومت کا افغان مہاجرین کے 28 کیمپ فوری طور پر بند کرانے کا حکم

    اکتوبر 16, 2025

    خیبر پختونخوا کی سیاست اور وزرائے اعلیٰ کا جغرافیہ! آفریدی قوم اب تک محروم کیوں؟

    اکتوبر 15, 2025

    پولیس کی نئی کمان، نئی ذمہ داریاں،نیا روپ اور آدم خان!

    اکتوبر 8, 2025
    Leave A Reply Cancel Reply

    Khyber News YouTube Channel
    khybernews streaming
    فولو کریں
    • Facebook
    • Twitter
    • YouTube
    مقبول خبریں

    جنوبی افریقہ کے خلاف وائٹ بال سیریز کیلئے قومی سکواڈ کا اعلان، بابراعظم کی واپسی

    اکتوبر 23, 2025

    وزیراعظم شہبازشریف سے خیبرپختونخوا کے اراکین پارلیمنٹ اور لیگی رہنماوں کی ملاقات

    اکتوبر 23, 2025

    سوشل میڈیا پر ریاست مخالف مواد پھیلانے کے الزام میں پی ٹی آئی رہنما شاندانہ گلزار کیخلاف مقدمہ درج

    اکتوبر 23, 2025

    دالبندین میں سیکیورٹی فورسز کی کامیاب کارروائی، 6 دہشت گرد ہلاک

    اکتوبر 22, 2025

    میرعلی میں نامعلوم ملزمان نے فائرنگ کے بعد گاڑی کو آگ لگا دی، 6 افراد جھلس کر دم توڑ گئے

    اکتوبر 22, 2025
    Facebook X (Twitter) Instagram
    تمام مواد کے جملہ حقوق محفوظ ہیں © 2025 اخبار خیبر (خیبر نیٹ ورک)

    Type above and press Enter to search. Press Esc to cancel.