Latest Urdu news from Pakistan - Peshawar, Lahore, Islamabad

پی ٹی آئی کا عمران خان کی رہائی تک ملک بھر میں پُر امن احتجاج جاری رکھنے کا فیصلہ

اسلام آباد : پاکستان تحریک انصاف کی سینئرقیادت کے اہم ہنگامی اجلاس میں عمران خان کی رہائی تک ملک بھرمیں پر امن احتجاج جاری رکھنے کا فیصلہ کرلیا گیا۔ تفصیلات کے مطابق پاکستان تحریک انصاف کی سینئرقیادت کااہم ہنگامی اجلاس ہوا ، اجلاس میں مرکزی قائدین اورہنگامی کمیٹی کےارکان شریک ہوئے۔

اجلاس میں فیصلہ کیا گیا کہ عمران خان کی رہائی تک ملک بھرمیں پر امن احتجاج جاری رہےگا اور ہائیکورٹ کے فیصلے کوسپریم کورٹ میں چیلنج کیا جائے گا۔ تحریک انصاف کی قیادت کےاجلاس کے بعد شاہ محمودقریشی نے ویڈیو پیغام میں کہا کہ عمران خان کی گرفتاری کیخلاف ملک بھرمیں احتجاج ہورہاہے، ملک بھرمیں جواحتجاج ہورہاہے یہ ایک فطری عمل ہے۔

شاہ محمود قریشی کا کہنا تھا کہ جس اندازمیں عوام کےقائدکوگرفتارکیاگیااس کاردعمل فطری تھا ، چیئرمین پی ٹی آئی عمران خان کی گرفتاری بلاجواز تھی۔

انھوں نے مزید کہا کہ عوام پرامن احتجاج جاری رکھیں گے،قانون ہرگزہاتھ میں نہ لیں۔ رہنما پی ٹی آئی کا کہنا تھا کہ پرامن احتجاج ہرپاکستانی کاآئینی وقانونی حق ہے، عمران خان کی رہائی کامطالبہ جائزاورقانونی مطالبہ ہے، عوام پرامن طورپراپنااحتجاج جاری رکھیں۔

جواب چھوڑیں

آپ کا ای میل ایڈریس شائع نہیں کیا جائے گا.