مہنگائی کی چکی میں پسی عوام پر ایک اور مہنگائی بم گرا دیا گیا
حکومت نے ایک بار پھر بجلی کی قیمتوں میں اضافہ کردیا گیا ہے جس کی وجہ سے شہریوں کی مشکلات میں مزید اضافہ ہوگیا ہے
نیپرا نے ماہانہ فیول چارجز ایڈجسٹمنٹ کی مد میں بجلی 1 روپے 53 پیسے مہنگی کرنے کی منظوری دے دی۔ بجلی کی قیمت میں اضافے سے صارفین پر 10 ارب روپے کا بوجھ پڑے گا۔
سنٹرل پاور پرچیزنگ ایجنسی (سی پی پی اے) نے بجلی کی قیمت میں 1 روپے 80 پیسے فی یونٹ اضافے کی درخواست کی تھی جس پر نیپرا اتھارٹی نے 27 جنوری 2021 کو ایف سی اے پر عوامی سماعت کی تھی جس کے بعد 1.53 روپے اضافے کا فیصلہ کیا گیا۔