صدر مملکت آصف علی زرداری نے سزاؤں میں کمی کا اعلان کر دیا ہے
اسلام آباد (سیار علی شاہ) صدر آصف زرداری نے یوم پاکستان اور عید الفطر کے موقع پر قیدیوں کی سزاوں میں نوے نوے روز کی کمی کی منظوری دی ہےصدر ہاؤس سے جاری اعلامیہ میں کہا گیا ہے کہ سزاؤں میں کمی کا اطلاق قتل، جاسوسی، ریاست مخالف سرگرمیوں میں ملوث قیدیوں پر نہیں ہوگا۔اسی طرح زنا، چوری، ڈکیتی، اغوا اور دہشگردی میں سزا یافتہ مجرموں پر بھی نہیں ہوگا۔ سزا میں چھوٹ کا اطلاق مالی جرائم جیسے قومی خزانے کو نقصان پہنچانے والے مجرموں پر بھی نہیں ہوگا۔
مزید برآں غیر ملکی افراد ایکٹ 1946 اور منشیات کنٹرول ترمیمی ایکٹ 2022 کے تحت سزا پانے والے افراد پر بھی نہیں ہوگا۔سزا میں کمی کا اطلاق 65 سال سے زائد عمر کے مرد قیدی جو اپنی ایک تہائی قید گزارنے اور 60 سال سے زائد عمر کی خواتین قیدی جو ایک تہائی سزا کاٹ چکی ہے پر ہوگا۔اسی طرح سزا کا اطلاق 18 سال سے کم عمر افراد جو اپنی ایک تہائی سزا کاٹ چکے ہیں پر بھی ہوگا۔اعلامیہ کے مطابق صدر مملکت نے سزاؤں میں کمی کی منظوری آئین کے ارٹیکل 45 اور رولز آف بزنس کے رول 15 اے کے تحت دی ہے۔
