امریکی ریاست کولوراڈو کے شہر بولڈر میں ایک شاپنگ مال میں جاری اسرائیل کے حق میں ریلی اس وقت خوف و ہراس کا شکار بن گئی جب ایک نامعلوم شخص نے پیٹرول بم پھینک کر حملہ کر دیا۔ اس افسوسناک واقعے میں چھ افراد زخمی ہوئے جن میں بعض کی حالت نازک بتائی جا رہی ہے۔
عینی شاہدین اور حکام کے مطابق حملہ آور نے حملے کے دوران "فلسطین آزاد کرو” کا نعرہ لگایا، جس کے بعد پولیس نے اسے زخمی حالت میں حراست میں لے لیا۔ حملہ آور کی عمر 45 سال بتائی گئی ہے۔
ایف بی آئی نے اس واقعے کو ممکنہ دہشت گردی قرار دیتے ہوئے تحقیقات کا آغاز کر دیا ہے۔ پولیس کے مطابق ابھی حملے کے پیچھے محرکات کی تصدیق نہیں کی جا سکی۔
کولوراڈو کے اٹارنی جنرل کا کہنا ہے کہ یہ حملہ بظاہر نفرت پر مبنی لگتا ہے، اور انہوں نے واضح کیا کہ ایسی کوئی بھی نفرت انگیز کارروائی ناقابل قبول ہے۔
