وفاقی حکومت نے فلسطین کے مسلمانوں کے لیے فوری امداد روانہ کرنے کا اعلان کردیا، این ڈی ایم اے کا کہنا ہے کہ وزیراعظم شہبازشریف کی ہدایت پر 100 ٹن پر مشتمل 2 کارگو طیاروں کے ذریعے امداد بھجوائے جائے گا ۔
نیشنل ڈیزاسٹر مینجمنٹ اتھارٹی کی جانب سے ایک بیان میں اعلان کیا گیا ہے کہ وزیراعظم شہبازشریف کی ہدایت پر این ڈی ایم اے 100 ٹن پر مشتمل 2 کارگو طیاروں کے ذریعے امداد بھجوائے گا ۔
این ڈی ایم اے کے مطابق امدادی سامان خصوصی پروازوں کے ذریعے اردن اور مصر کے راستے فلسطین پہنچایا جائے گا، امدادی پروازیں اگلے دو دن میں روانہ ہوں گی ۔
این ڈی ایم اے کے مطابق نائب وزیراعظم اسحٰق ڈار امدادی سامان کی روانگی و ترسیل کی نگرانی کریں گے، جبکہ اردن اور مصر میں پاکستانی سفیر فلسطینی علاقوں میں امداد کی ترسیل کو یقینی بنائیں گے ۔
این ڈی ایم اے کا کہنا ہے کہ پاکستان کے عوام فلسطینی بہن بھائیوں کے ساتھ مکمل یکجہتی اور حمایت کا اعادہ کرتے ہیں ۔
