پشاور (خصوصی رپورٹر) سابق عالمی چیمپین قمر زمان نے اخبار خیبر کو دیے گئے بیان میں خودمختار ساوی کی کارکردگی کو سراہا اور کہا کہ خیبر پختونخوا میں پسماندگی اور غربت نے ہر خاص و عام کو بری طرح متاثر کیا ہے۔
قمر زمان نے کہا کہ بیروزگاری اور مہنگائی نے کئی سفید پوش افراد کو دو وقت کی روٹی سے بھی محروم کر دیا ہے۔ ایسے حالات میں خیبر نیٹ ورک کی فلاحی تنظیم خودمختار ساوی واحد ادارہ ہے جو معاشرے کے لاچار اور محتاج افراد کی داد رسی کر رہی ہے۔
انہوں نے مخیر حضرات سے اپیل کی کہ وہ اپنے عطیات خودمختار ساوی کے ذریعے فراہم کریں تاکہ وہ دین و دنیا دونوں میں سرخرو ہوں۔
