کوئٹہ پولیس کے مطابق مغربی بائی پاس پرباراتیوں کی بس بے قابو ہوکر کھائی میں جاگری، حادثے میں 7 افراد جاں بحق جبکہ 30سے زائد زخمی ہوگئے ہیں جن میں متعدد کی حالت تشویشناک بتائی جاتی ہے ۔
پولیس کا مزید کہتا تھا کہ مغربی بائی پاس پر ہزارہ ٹاؤن سے باراتیوں سے بھری بس بلیلی جارہی تھی کہ ٹائر پھٹ جانے کے باعث بے قابو ہوکر کھائی میں گر گئی ۔
ریسکیو کا کہناہے کہ حادثے میں 3 بچوں سمیت 7 افراد جاں بحق ہو گئے جبکہ 30 سے زائد افراد زخمی ہوگئے۔
ریسکیو حکام کا کہنا تھا کہ زخمیوں کو بولان میڈیکل کمپلیکس منتقل کردیا گیا ہے ،جہاں طبی امداد فراہم کی جارہی ہے، زخمیوں میں خواتین اور بچےبھی شامل ہیں۔
دوسری جانب وزیر اعلیٰ بلوچستان میر سرفراز بگٹی نے حادثے پر اظہار افسوس کرتے ہوئے حادثے کی تحقیقات کا حکم دیا ہے ۔
