Latest Urdu news from Pakistan - Peshawar, Lahore, Islamabad

چارسدہ:سرکاری ملازمین نے تنخواہوں میں 100 فیصد اضافے کا مطالبہ کردیا

ضلع چارسدہ میں آل پاکستان کلرک ایسوسی ایشن کی طرف سے تنخواہوں میں 10 فیصد اضافے کو مسترد کر دیا ہے،اور اس کے ساتھ ہی تنخواہوں میں 10 فیصد کے بجائے  100 فیصد اضافہ کا مطالبہ کیا ہے۔
اس سلسلے میں کلرکس ایسوسی ایشن نے احتجاجی جلوس و مظاہرہ کیا جبکہ اس دوران نے قلم چھوڑ ہڑتال بھی کی گئی ہے۔احتجاجی مظاہرہ کے دوران مقررین نے کہا ہے کہ صوبائی حکومت کی جانب سے تنخواہوں میں دس فیصد اضافے کو بالکل مسترد کرتے ہیں۔ان کے مطابق صوبائی حکومت اپنے لئے تنخواہوں میں 300 فیصد اضافہ کرتے ہیں جبکہ اس کے برعکس سرکاری ملازمین کے لیے صرف 10 فیصد اضافہ کیا جاتا ہے جو کہ ان کا معاشی قتل ہے۔

ان کے مطابق اگر خزانہ خالی ہے تو پھر وزراء اور ایم پی ایز کی تنخواہوں میں اضافے کو واپس لیا جائے ورنہ اس صورت میں ہم بھی اضافہ نہیں لیں گے۔ سرکاری ملازمین نے احتجاجی مظاہرہ کرتے ہوئے کہا کہ حکومت سرکاری ملازمین کی تنخواہ میں فوری طور پر 100 فیصد اضافے کا نوٹیفکیشن جاری کرے۔احتجاج کرتے ہوئے انہوں نے دھمکی دی ہے کہ اگر تنخواہوں میں اضافہ نہ کیا گیا تو پیر سے تالہ بندی ہڑتال شروع کردی جائے گئی۔

جواب چھوڑیں

آپ کا ای میل ایڈریس شائع نہیں کیا جائے گا.