پاک افغان بارڈر چمن پر تجارتی سرگرمیاں بحال ہوگئیں

پاک افغان بارڈر چمن پر تجارتی سرگرمیاں بحال ہوگئیں۔باڈر کھلنے پر شہریوں نے حکومت پاکستان اور افواج پاکستان کا شکریہ ادا کیا ہے

نومبر 2023میں پاک افغان بارڈر پر آمدورفت کیلئے حکومت پاکستان نے ون ڈاکومنٹ رجیم کے نفاذ کا اعلان کیا تو مقامی لوگوں نے اس پالیسی کیخلاف دھرنا دیدیا تھا۔ تقریبا 4ماہ چمن بارڈر بند رہنے سے بڑی تعداد میں مقامی مزدور بیروزگار، علاقے میں غربت بڑھنے لگی۔ حکومت اور پاک فوج کی کاوشوں سے چمن بارڈر پر تجارت بحال ہو گئی ہے۔شہریوں نے خوشی کا اظہار کرتے ہوئے کہاکہ پانچ مہینوں سے جو مشکلات تھیں وہ اب کم ہو جائیں گی۔ یادرہے کہ بارڈر بند ہونے سے تاجر برادری اور حکومت کو کروڑوں کا نقصان ہوا ہے ۔لیکن باڈر کے کھلنے سے تجارت کی بحالی خوش آئند عمل ہے۔