ہری پور کے مختلف اضلاع میں ٹریفک کے مختلف حادثات میں 8 افراد جاں بحق جبکہ 17 افراد شدید زخمی ہوگئے ہیں۔
حکام کے مطابق ہری پور کے گاؤں چکھے کے قریب ایک مسافر وین سڑک کے کنارے گہری کھائی میں جاگری،جس کی وجہ سے دو خواتین اور ایک کمسن بچی سمیت پانچ مسافر زندگی کی بازی ہار گئے جبکہ 10افراد زخمی ہو گئے۔
اسی طرح جب وین چکھے گاؤں کے قریب ڈرائیور نے اسٹیئرنگ پر قابو کھو دیا جس کے باعث گاڑی سڑک کے کنارے کھائی میں جا گری،اس حادثے میں دو خواتین، دو مرد اور ایک نابالغ لڑکی موقع پر ہی ہلاک ہو گئی۔حادثے میں ڈرائیور سمیت دس افراد شدید زخمی بھی ہوگئے۔ان زخمیوں اور لاشوں کوفوری طور پر ٹراما سینٹر منتقل کیا گیا۔
دریں اثنا، مانسہرہ ضلع کے اوگھی اور بالاکوٹ میں دو سڑک حادثات ہوئے جن میں تین افراد جاں بحق جبکہ سات افراد زخمی ہو گئے۔پولیس حکام کے مطابق اوگھی کے علاقے تراواڑہ میں ایک ڈمپر ٹرک ٹرائی وہیلر سے ٹکرا گیا اور اس طرح دونوں کھائی میں جا گرے۔ مقامی لوگوں نے زخمیوں کو سول اسپتال منتقل کی جانب منتقل کر دیا۔
اسی طرح وادی کاغان کے علاقے کوائی میں بھی پک اپ گاڑی کھائی میں جاگری جس کی وجہ سے ایک لڑکا جاں بحق اور 4 افراد زخمی ہو گئے۔زخمی ہونے والوں کو ہسپتال منتقل کردیا گیا۔
