پشاور (خصوصی رپورٹر) چیف خطیب پشاور مولانا طیب قریشی نے اخبار خیبر کے ذریعے جاری اپنے بیان میں کہا ہے کہ ہمارے معاشرے میں بے شمار ایسے سفید پوش اور مستحق افراد موجود ہیں جو اپنی خودداری کی وجہ سے کسی کے سامنے ہاتھ نہیں پھیلاتے، حالانکہ وہ شدید مالی مشکلات کا سامنا کر رہے ہوتے ہیں۔
انہوں نے کہا کہ ایسے لاچار اور غریب خاندان مخیر حضرات کی مدد کے منتظر ہیں، اور ان کی مدد کرنا ہر مسلمان کی دینی اور اخلاقی ذمہ داری ہے۔ مولانا طیب قریشی نے عوام سے اپیل کی کہ خودمختار ساوی کے پلیٹ فارم کے ذریعے اپنی امداد اور عطیات دل کھول کر دیں تاکہ دکھی انسانیت کی مدد کی جا سکے اور ضرورت مند خاندانوں کی زندگی میں آسانی پیدا ہو۔
