ایرانی سپریم لیڈر آیت اللہ خامنہ ای نے واضح کیا ہے کہ ایران پر مسلط کیا گیا امن یا جنگ کسی صورت قبول نہیں کرے گا۔
ایک غیر ملکی خبر رساں ادارے کے مطابق، آیت اللہ خامنہ ای نے اپنے تازہ بیان میں کہا کہ ایرانی قوم اپنے شہداء کے خون اور سرزمین پر کیے گئے حملوں کو کبھی فراموش نہیں کرے گی۔
انہوں نے زور دیا کہ اسرائیل نے بہت بڑی غلطی کی ہے اور اسے اس کی سزا ضرور ملے گی۔
سپریم لیڈر نے مزید کہا کہ ایران کبھی ہتھیار نہیں ڈالے گا اور نہ ہی زبردستی تھوپا گیا کوئی معاہدہ قبول کرے گا۔ جو لوگ تاریخ سے واقف ہیں وہ جانتے ہیں کہ ایران دھمکیوں کا نرم لہجے میں جواب نہیں دیتا۔
آیت اللہ خامنہ ای نے خبردار کیا کہ امریکا کو جان لینا چاہیے کہ ایرانی سرزمین پر امریکی فوجی مداخلت ناقابل تلافی نقصان کا باعث بنے گی۔
