خیبر پختونخوا میں پی ٹی آئی کی صوبائی قیادت میں پھرایک بار اختلافات سامنے آگئے
بانی پی ٹی آئی کی ہدایات کے باوجود سابق صوبائی وزیر اور پی ٹی آئی پشاور ریجن کے صدر عاطف خان نے ایک بیان میں کہا ہے کہ خیبر پختونخوا کی فائنل جنرل سیٹوں اور ریزرو سیٹوں کی فہرست مجھے فہرست نہیں دکھائی گئی۔عاطف خان نے بتایا کہ مجھے یہ بتایا گیا کہ یہ ایک راز ہے اوریہ راز آپ کے ساتھ شیئر نہیں کیا جاسکتا۔دوسری طرف اس سلسلہ پر نائب صدر پی ٹی آئی خیبرپختونخوا ظاہر شاہ طورو نےگفتگو کرتے ہوئے کہا کہ اس طرح کی باتیں سیاسی جماعت میں ہوتی رہتی ہیں، عاطف خان نے صرف شکوہ کیا اس میں کوئی ایسی بڑی بات نہیں ہے۔
