آج کل سوشل میڈیا پر ایک ویڈیو وائرل ہے جس میں لوئر دیر سے تعلق رکھنے والی ننھی بچی شمائلہ روانی سے انگریزی بولتی ہے۔ ویڈیو نے سوشل میڈیا پر دھوم مچا دی۔
یاد رہے کہ لوئر دیرکی شمائلہ کبھی اسکول نہیں گئی مگر انگریزی سمیت 6 زبانوں میں مہارت رکھتی ہے۔ شمائلہ نے سوشل میڈیا پر وائرل ہونے والی ویڈیو میں کہا کہ میں نے انگریزی سمیت 6 زبانیں اسکول میں نہیں بلکہ گھر پر بیٹھ کر سکھیں۔ شمائلہ اردو، انگلش ، پنجابی ،سرائیکی، پشتو اور چترالی زبانیں بول سکتی ہے۔
شمائلہ کی والدہ کا تعلق چترال اور والد کا تعلق پشاور سے ہے۔ سوشل میڈیا صارفین نے شمائلہ کی اچھی انگلش کو سراہا۔ ایک صارف کا کہنا تھا کہ اتنی اچھی انگلش تو انگلش میڈیم اسکول میں پڑھنے والے بھی نہیں بول پاتے۔ کچھ کا کہنا تھا کہ اس کا تعلق صرف اسکول اور اچھی تعلیم سے نہیں بلکہ محنت ، لگن اور اعتماد سے ہوتا ہے۔
