ٹی ٹوئنٹی ورلڈ کپ کے اہم میچ میں پاکستان نے امریکا کو 32 رنز سے شکست دے دی، قومی ٹیم کے 191 رنز ہدف کے تعاقب میں امریکہ نے مقررہ اوورز میں 8 وکٹوں کے نقصان پر158 رنز بنا ئے، عثمان طارق نے 3 اور شاداب خان نے 2 وکٹیں حاصل کیں ،صاحبزادہ فرحان کو شاندار 73 رنز کی اننگز کھیلنے پر میچ کا بہترین کھلاڑی قرار دیا گیا ۔
سری لنکا کے کولمبو کرکٹ سٹیڈیم میں کھیلے گئے میچ میں امریکہ نے ٹاس جیت کر پہلے فیلڈنگ کا فیصلہ کیا،پاکستان نے مقررہ اوورز میں 9 وکٹوں کے نقصان پر 190 رنز بنائے، صاحبزادہ فرحان نے سب سے زیادہ73 رنز کی اننگز کھیلی ۔
بابر اعظم نے 46، شاداب خان نے 30، صائم ایوب نے 11، محمد نواز نے 5 اور سلمان علی آغا نے ایک رن سکور کیا،امریکہ کی جانب سے شیڈلے وین نے شاندار بولنگ کرتے ہوئے 4 وکٹیں حاصل کیں ۔
مقررہ ہدف کے تعاقب میں امریکہ نے مقررہ اوورز میں 8 وکٹوں کے نقصان پر158رنز بنائے اور یوں پاکستان نے 32 رنز سے میچ میں کامیابی حاصل کی ۔
پاکستان کی جانب سے عثمان طارق نے 3، شاداب خان نے 2، شاہین شاہ آفریدی، ابرار احمد اور محمد نواز نے ایک، ایک کھلاڑی کو آؤٹ کیا ۔
قومی ٹیم کے مایہ ناز اوپنر بلے باز صاحبزادہ فرحان کو شاندار 73 رنز بنانے پر میچ کا بہترین کھلاڑی قرار دیا گیا، ایونٹ میں پاکستان کا تیسرا میچ 15 فروری کو بھارت کے خلاف کولمبو میں ہوگا ۔
