سکیورٹی فورسز نے بلوچستان کے ضلع پشین میں انٹیلی جنس اطلاعات کی بنیاد پر کامیاب کارروائی کرتے ہوئے خودکش حملہ آور سمیت پانچ دہشتگردوں کو ہلاک کر دیا۔
پاک فوج کے شعبہ تعلقات عامہ Inter-Services Public Relations (آئی ایس پی آر) کے مطابق آپریشن خفیہ معلومات کی روشنی میں کیا گیا۔ کارروائی کے دوران شدید فائرنگ کا تبادلہ ہوا، جس میں خودکش حملہ آور سمیت پانچ دہشتگرد مارے گئے۔
آئی ایس پی آر کا کہنا ہے کہ ہلاک دہشتگرد متعدد تخریبی کارروائیوں میں ملوث تھے، جبکہ ان کے قبضے سے اسلحہ اور گولہ بارود بھی برآمد کیا گیا۔
شعبہ تعلقات عامہ کے مطابق ملک بھر سے دہشتگردی کے خاتمے کے لیے سکیورٹی فورسز کی کارروائیاں بلاامتیاز جاری رہیں گی اور امن و استحکام کو یقینی بنانے کے لیے ہر ممکن اقدامات کیے جائیں گے۔
