وزیراعظم شہباز شریف نے ایران اور امریکا کے درمیان اسلام آباد مفاہمتی یادداشت پر بطور ثالث دستخط کر دیے ہیں، جبکہ وزیراعظم کے دستخط کی ویڈیو بھی جاری کر دی گئی ہے۔ وزیراعظم آفس کے مطابق یہ معاہدہ پہلے ہی باقاعدہ طور پر نافذ العمل ہو چکا ہے۔
وزیراعظم آفس کی جانب سے جاری بیان میں کہا گیا ہے کہ امریکا کے صدر ڈونلڈ ٹرمپ اور ایران کے صدر مسعود پزشکیان اس یادداشت پر پہلے ہی اپنے دستخط ثبت کر چکے تھے، جبکہ وزیراعظم شہباز شریف نے ثالث کے طور پر معاہدے کی توثیق کی۔
تفصیلات کے مطابق دونوں ممالک نے جنگ کے خاتمے اور آبنائے ہرمز کو کھلا رکھنے سے متعلق طے پانے والے معاہدے پر مقررہ وقت سے قبل دستخط کیے، جس کے بعد یہ معاہدہ نافذ ہو گیا ہے۔
دوسری جانب وزیراعظم شہباز شریف آج کچھ دیر بعد سوئٹزرلینڈ روانہ ہوں گے۔
امریکی صدر ڈونلڈ ٹرمپ نے فرانسیسی صدر ایمانویل میکرون کی موجودگی میں معاہدے پر دستخط کیے، جبکہ ایرانی سرکاری میڈیا نے صدر مسعود پزشکیان کی وہ تصاویر جاری کی ہیں جن میں انہیں یادداشت پر دستخط کرتے دیکھا جا سکتا ہے۔
