اسرائیل کے خلاف گوگل کے دفاتر میں احتجاج کیا گیا جس کے نتجیے میں 9ملازمین کو گرفتار کر لیا گیا
گوگل کے سی ای او کے دفتر میں امریکہ کی جانب سے اسرائیل کو ٹیکنالوجی فراہم کیے جانے کے خلاف احتجاجی مظاہرہ کیا گیا،پولیس نے اس دوران احتجاج کرنے والے 9افراد کو حراست میں لے لیا۔غیر ملکی ذرائع کے مطابق شدگان گوگل کمپنی کے یہ تمام گرفتار ملازمین ہیں جو اسرائیل کو ٹیکنالوجی فراہم کیے جانے کی مخالفت کرتے ہوئے نیویارک میں کمپنی کے دفتر میں احتجاج کر رہے تھے۔اسی طرح کے ایک مظاہرے کی خبر گوگل کے کیلیفورنیا کے دفتر میں بھی سامنے آئی ہے۔گوگل کمپنی دراصل اسرائیلی حکومت کے ساتھ مل کر کام کر رہی ہے، جس پرکچھ ملازمین نےاحتجاج کرنا شروع کر دیا۔
رپورٹ کے مطابق گوگل آفس میں احتجاج کرنے والے ملازمین کا دعویٰ ہے کہ امریکی ٹیک کمپنیاں اسرائیلی حکومت کی حمایت کر رہی ہیں۔مظاہرین نے سوال اُٹھایا ہے کہ ایسے میں جب اسرائیل اور غزہ کے درمیان جنگ جاری ہے، کیاکسی ایک ملک کو ٹیکنالوجی دینا صحیح اقدام ہے؟مظاہرین کے ترجمان جین چنگ کے مطابق دونوں دفاتر سے 9 افراد کو گرفتار کیا گیا ہے۔ احتجاج کرنے والوں میں سے ایک ملازم نے ویڈیو ریکارڈ کر کے شیئر کر دی ہے۔ویڈیو میں دیکھا جاسکتا ہے کہ مظاہرین کو نیویارک پولیس احتجاج ختم کرنے کا کہتی ہے اور احتجاج کرنے والی جگہ سے نہ جانے پر انہیں حراست میں لے لیا جاتا ہے۔گوگل کے مطابق کمپنی کی پالیسی کے خلاف احتجاج کرنے والے ملازمین کے خلاف ایکشن لیا جائے گا، اس کے ساتھ ہی دیگر ملازمین سے ہاتھا پائی کرنے والے ملازمین کے خلاف بھی کارروائی ہوگی۔
