لاہور میں ضمنی انتخابات کے باعث امتحانات ملتوی

لاہور میں ضمنی انتخابات کے باعث امتحانات ملتوی کردئیے گئے ہیں

لاہور کے پانچ حلقوں میں ضمنی انتخابات کے باعث امتحانات لاہور بورڈ نے ملتوی کرنے کا فیصلہ کرلیا۔

انٹرمیڈیٹ کے2 پیپر کو لاہور بورڈ نے ملتوی کرنے کا فیصلہ کیا ہے۔ کنٹرولرامتحانات لاہور بورڈ نے کمشنر لاہور کو خط لکھ دیا، خط کے مطابق 20 اپریل کو کیمسٹری اور 22 اپریل کو انگریزی کا پرچہ ملتوی کیا جائے گا۔ امتحانات کی آئندہ تاریخ کا اعلان بعد میں کیا جائے گا۔کنٹرولر امتحانات کے مطابق سپرٹنڈنٹ، ڈپٹی سپرٹنڈنٹ، انویجلٹرز سمیت 1315 افراد کی الیکشن ڈیوٹی لگی، الیکشن ڈیوٹی کی وجہ سے عملے کا امتحانات میں ڈیوٹی کرنا ممکن نہیں ہے۔دوسری طرف کل سے پشاورتعلیمی بورڈ کے زیراہتمام میٹرک امتحانات شروع ہونگے تاہم بارشوں کے باعث اپر لوئرچترال میں 18،19اور20اپریل کو ہونے والے پرچے ملتوی کردیئے گئے،نیا شیڈول مذکورہ پرچوں کا دوبارہ جاری کیا جائے گا۔