پنجاب اسمبلی:مخصوص نشستوں پر منتخب ہونے والے اراکین نے حلف اٹھا لیا

پنجاب اسمبلی میں مخصوص نشستوں پر منتخب ہونے والے اراکین نے حلف اٹھا لیاہے

سپیکر پنجاب اسمبلی ملک احمد خان کی زیر صدرات ہونے والے اسمبلی اجلاس کے دوران خواتین اور اقلیتی نشستوں پر منتخب ہونے والے اراکین حلف اٹھا لیا جبکہ ملک احمد خان نے نومنتخب اراکین سے حلف لیا۔حلف اٹھانے والی خواتین ارکان میں سعدیہ مظفر، فضا میمونہ، عابدہ بشیر، مقصودن بی بی، عامرہ خان، صومیہ عطا، راحت افزا، رخسانہ شفیق، تحسین فواد، فرزانہ عباس، شگفتہ فیصل، عظمی بٹ، ماریہ طلال، ساجدہ نوید، نصرین ریاض، افشین حسن، آمنہ پروین، شہر بانو، زیبا غفور، روبینہ نذیر اور سیدہ سمیرہ احمد شامل ہیں۔اقلیتوں کی نشستوں پر طارق مسیح، وسیم انجم اور بسرو جی نے حلف اٹھایا۔

اراکین اسمبلی کے حلف کے دوران اپوزیشن کی جانب سے شور شرابہ کیا گیا اور اس موقع پر پنجاب اسمبلی میں اپوزیشن لیڈر رانا آفتاب نے ایوان میں خطاب کرتے ہوئے کہا کہ الیکشن جیتنے کے بعد ہمارے ارکان نے سنی اتحاد کونسل کو جوائن کیا، یہ ہماری سیٹیں ہیں یہ ہمیں دی جانی چاہیں۔رانا آفتاب نے سپیکر پنجاب اسمبلی سے استدعا کی کہ ایوان کورولز آف بزنس کے مطابق چلائیں۔ان کا کہنا تھا کہ مخصوص نشستوں کے متعلق فیصلہ عدالت میں زیر سماعت ہے حلف نہ لیا جائے جس پر ملک احمد خان کا کہنا تھا کہ ہر کام آئین اورقانون کے مطابق کیا جا رہا ہے۔رانا آفتاب کا کہنا تھا کہ قانون کی غلط تشریح نہ کریں۔