کوئٹہ: سکیورٹی فورسز کی جانب سے آپریشن ردالفتنہ 3 کے تحت بلوچستان میں دہشت گردوں کے خلاف بھرپور کارروائیاں جاری ہیں۔
سکیورٹی ذرائع کے مطابق بلوچستان کے اضلاع پنجگور اور چاغی میں سکیورٹی فورسز نے فتنہ الہندوستان کے 11 دہشت گرد ہلاک کر دیے۔
پنجگور کے علاقے گوارگو میں سکیورٹی فورسز نے کارروائی کرتے ہوئے 5 دہشت گردوں کو جہنم واصل کر دیا.
ہلاک دہشت گردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
سکیورٹی ذرائع نے بتایا کہ سکیورٹی فورسز نے چاغی کے علاقے امین آباد اور سیاہ چنگ میں بھی دہشت گردوں کے خلاف موثر کارروائیاں کیں۔
امین آباد اور سیاہ چنگ میں آپریشنز کے دوران 6 دہشت گرد جہنم واصل ہوئے.
ان سے بھی بڑی مقدار میں اسلحہ اور گولہ بارود برآمد کیا گیا۔
