Latest Urdu news from Pakistan - Peshawar, Lahore, Islamabad

شاہ محمود قریشی الیکشن کے لیے نااہل قراردے دئیے گئے

ملتان: الیکشن ٹریبونل ملتان نے تحریک انصاف کے وائس چیئرمین شاہ محمود قریشی کی اپیل مسترد کرتے ہوئے انہیں انتخابات کے لیے نااہل قرار دے دیا۔ ذرائع کے مطابق سابق وزیر خارجہ شاہ محمود قریشی کی ریٹرننگ آفیسر کے فیصلے کے خلاف اپیل مسترد ہوگئی، الیکشن ٹریبونل  کے جسٹس سرفراز ڈوگر نے شاہ محمود قریشی کے پی پی 219 سے کاغذات نامزدگی مسترد کرنے کے آر او کے فیصلے کو درست قرار دے دیا۔

دوسری جانب دریں اثنا الیکشن ٹریبونل نے زین قریشی اور مہربانو قریشی کو این اے 150 ، این اے 151 اور پی پی 218 سے الیکشن لڑنے کے لیے اہل قرار دے دیا۔

شاہ محمود قریشی کے وکیل مہر ضمیر  نے کہا ہے کہ کاغذات نامزدگی مسترد ہونے کے خلاف ڈویژنل بینچ میں اپیل کریں گے۔

جواب چھوڑیں

آپ کا ای میل ایڈریس شائع نہیں کیا جائے گا.