برازیل سے تعلق رکھنے والےبرازیلین شہری کی خزانے کی خواہش جان لے گئی
71 سالہ جوا پیمنٹا نے خواب دیکھا تھا کہ انکے گھر کے باورچی خانے کے زیرِ زمین بہت سا سونا دفن ہے جس کو حاصل کرنے کی کوشش میں وہ جان سے ہاتھ دھو بیٹھے۔برازیل سے تعلق رکھنے والے 71 سالہ شخص نے ایک خواب میں دیکھا کہ انکے گھر کے باورچی خانے کے نیچے سونا دفن ہوا ہے۔اس خواب انہوں نےحقیقت میں تبدیل کرنے کے لئے اپنے ہاتھوں سے گڑھا کھودا۔
پڑوسیوں کو بھی جوا یمینٹا نے اپنے خواب کے بارے میں بتایا، انکی بات کا پڑوسیوں نے مذاق اڑایا تاہم جوا پیمینٹا نے آخر میں انہیں قائل کر لیا۔ یہاں تک کہ کھدائی میں پڑوسیوں نے ان کی مدد کرنے کا فیصلہ بھی کیا۔ جوا پیمینٹا کے کچن کو دونوں گھرانوں نے مل کر کھودنا شروع کیا اور آخر کار 40 میٹر گہرا زمین میں گڑھا کھود دیا۔ جوا پیمنٹا سونا تلاش کرنے کیلئے نیچے اترے، سونا تو نہیں ملا تاہم بدقسمتی سےخزانے کی تلاش ان کی موت کی وجہ بنی۔ افسوس کہ جوا پیمینٹا بلندی سے گڑھے میں گر گئے اور موقع پر ہی انکی جان نکل گئی۔
