سعودی وزیر خارجہ شہزادہ فیصل بن فرحان نے مشترکہ دفاعی معاہدے کا خیرمقدم کرتے ہوئے کہا ہے کہ مشترکہ دفاعی معاہدہ پاکستان اور ترکیہ کے ساتھ مضبوط تعلقات کی عکاسی کرتا ہے ۔
سماجی رابطے کی ویب سائٹ ایکس پر اپنے بیان میں شہزادہ فیصل بن فرحان نے کہا ہے کہ سعودی ولی عہد، صدرِ جمہوریہ ترکیہ اور وزیراعظم پاکستان کی جانب سے مشترکہ مکہ دفاعی معاہدے پر دستخط تینوں ممالک کے درمیان برادرانہ تعلقات اور باہمی اعتماد کی توثیق کرتے ہیں ۔
انہوں نے کہا کہ یہ معاہدہ دفاعی تعاون کو مزید مضبوط بنانے کی جانب ایک اہم پیش رفت ہے اور خطے کو درپیش مشترکہ خطرات سے نمٹنے کے لیے تینوں ممالک کی مشترکہ کوششوں کی عکاسی کرتا ہے ۔
سعودی وزیرِ خارجہ کا کہنا تھا کہ مکہ دفاعی معاہدہ علاقائی سلامتی، استحکام اور امن کے تحفظ کے لیے تینوں ممالک کے مشترکہ سیاسی عزم کا مظہر ہے، جبکہ یہ ایک زیادہ محفوظ علاقائی ماحول کے قیام میں بھی معاون ثابت ہوگا۔
شہزادہ فیصل بن فرحان نے مزید کہا کہ یہ معاہدہ محفوظ مستقبل کی راہ ہموار کرے گا، جس کے نتیجے میں ترقی، خوشحالی اور اقتصادی مواقع کو فروغ ملے گا، اور تینوں ممالک کے عوام اس کے مثبت ثمرات سے مستفید ہوں گے ۔
