مرکزی امیر جمعیت علمائے اسلام مولانا فضل الرحمان نے پی ٹی آئی کی صوبائی حکومت کو آڑے ہپاتھوں لیتے ہوئے کہا ہے کہ خیبرپختونخوا میں بیڈگورننس نہیں بلکہ مس گورننس ہے ۔
پشاور میں مجلس عمومی خیبرپختونخوا کے اجلاس سےخطاب میں مولانا فضل الرحمان نے کہا کہ ملک میں امن وسکون نام کی کوئی چیز نہیں، زندگی کوخطرات لاحق ہیں ۔
مرکزی امیر جمیعت علمائے اسلام کا کہنا تھا کہ خیبرپختونخوا میں حکومت نام کو نہیں، کرپشن کا بازار نہیں بلکہ مارکیٹ گرم ہے ۔
ان کا کہنا تھاکہ صوبے میں حکومت نام کو نہیں، بیڈگورننس نہیں بلکہ مس گورننس ہے، کرپشن کا بازار نہیں بلکہ مارکیٹ گرم ہے، اس حکومت کی سرپرستی کرنے والے صوبے کو تباہ کرنے میں برابر کے شریک ہیں ۔
ان کا کہنا تھا کہ بین الاقوامی مفادات کو فروغ اور پاکستان کےمعاشی راستے کو روکا جا رہا ہے، پی ٹی آئی حکومت سے گلہ تھا لیکن موجودہ حکومت بھی پالیسی میں تبدیلی نہیں لاسکی ۔
