دنیا کی نظر میں پاکستان کا سب سے بہترین شہر کونسا ہے۔
آکسفورڈ اکنامکس کی طرف سے پہلی دفعہ دنیا کے ایک ہزار شہروں کی درجہ بندی پر مبنی فہرست جاری کی گئی ہے۔اس فہرست کے مطابق یہ دنیا کے ایک ہزار بڑے شہروں کی جامع درجہ بندی ہے جس کے مطابق معیشت، ہیومین کیپیٹل، معیار زندگی، ماحولیات اور طرز حکمرانی سمیت 27 شعبوں کو مدنظر رکھا گیا۔اس جاری کردہ فہرست کے مطابق پاکستان کا سب سے بہترین شہر اسلام آباد / راولپنڈی ہے جو کہ ایک ہزار شہروں میں 578 ویں نمبر پرآیا ہے۔
اس کے بعد دوسرا نمبر لاہور کا آیا ہے جو کہ مجموعی طور پر 878 ویں نمبر پر ہے جبکہ اس کے ساتھ ہی پشاور تیسرے جو کہ مجموعی طور پر 895 ویں نمبر پر ہے، جبکہ کراچی چوتھے نمبر پر آیا ہے،جو کہ مجموعی طور پر 918 ویں نمبر پر ہے اور آخر میں کوئٹہ 5 ویں نمبر بر ہے، جو کہ مجموعی طور پر 940 ویں نمبر پر موجود ہے۔اس فہرست میں دنیا کا بہترین شہر نیویارک کو قرار دیا گیا ہے جس کے بعد لندن، سان جوز، ٹوکیو، Seattle، لاس اینجلس، سان فرانسسکو، میلبرن اور زیورخ ٹاپ 10 شہروں میں شامل ہیں۔جبکہ دنیا کے 50 بہترین شہروں میں امریکا اور یورپ آیا ہے اور ٹوکیو کے علاوہ سیئول (41 ویں) اور سنگاپور (42 ویں) ایشیا کے بہترین شہر قرار پائے ہیں۔آکسفورڈ اکنامکس کے مطابق ہماری گلوبل سٹیز انڈیکس میں دنیا بھر کے ایک ہزار بڑے شہروں کی خوبیوں اور کمزوریوں کا تجزیہ کیا گیا ہے۔
