خیبرپختونخوا میں پی ٹی آئی حکومت کی جانب سے یونیورسٹیوں کی زمین کی مبینہ فروخت پر گورنر فیصل کریم کنڈی میدان میں آگئے۔
گورنر خیبرپختونخوا فیصل کریم کنڈی نے صوبہ بھر کی یونیورسٹیوں کو زمین بیچنے یا لیز پر دینے سے روک دیا ،پرنسپل سیکرٹری کی جانب سے صوبہ بھر کی یونیورسٹیوں کو باقائدہ تحریری ہدایات جاری کردی گئیں ۔
پشاور ہائی کورٹ میں خیبرپختونخوا کی بعض یونیورسٹیوں کی اراضی کی فروخت یا لیز پر دینے پر حکم امتناعی جاری ہے،لہذا صوبہ بھر کی یونیورسٹیوں کو اس ضمن میں کسی قسم کا قدم نہیں اٹھانا چاہئے ۔
گورنر فیصل کریم کنڈی نے کہا کہ جب تک چانسلر رہونگا کسی یونیورسٹی کی ایک انچ اراضی نہیں بیچنے دوں گا۔
گورنر کا کہنا تھا کہ جس جماعت نے ایوان صدر اور وزیر اعظم ہاؤس کو یونیورسٹی میں تبدیل کرنا تھا وہ یونیورسٹیوں کو تباہ کررہی ہے۔
