ماؤنٹ ایورسٹ پر ایک روز میں سب سےزیادہ سمٹ کا ریکارڈ قائم ہوگیا، 274 کوہ پیماؤں نے دنیا کی بلند ترین چوٹی ماؤنٹ ایورسٹ سر کرکےنیاریکارڈ قائم کیا ۔
تفصیلات کے مطابق موسم سازگار ہونے کے بعد ماؤنٹ ایورسٹ پر رش ہے اور نیپال نے رواں سیزن 500 کلائمبنگ پرمٹ جاری کیے ہیں ۔
نیپالی حکام کے مطابق گزشتہ روز یعنی 21 مئی کو 274 کوہ پیماؤں نے دنیا کی بلند ترین چوٹی ماؤنٹ ایورسٹ سر کرکے نیا عالمی ریکارڈ قائم کیا ۔
رواں سیزن 56 سالہ کیمی ریتا شیرپانے 32 ویں بار ایورسٹ سرکرکے اپنا عالمی ریکارڈ مزیدبہترکیا جبکہ 52 سالہ لکھپا شیرپا نے11ویں بار ایورسٹ سر کر کے خواتین میں نیا ریکارڈ قائم کیا ۔
دونوں ٹانگوں سے محروم روسی کوہ پیما رستم نبیئیف نے صرف ہاتھوں کے سہارے ماؤنٹ ایورسٹ سرکیا، واضح رہے کہ ایورسٹ پر ایک روز میں کامیاب سمٹ کا پرانا ریکارڈ 2019 میں 223 کوہ پیماؤں کا تھا ۔
