وزیراعظم شہباز شریف نے آذربائیجان اور آرمینیا کے درمیان تاریخی امن معاہدے کا خیر مقدم کرتے ہوئے اس حوالے سے کردار ادا کرنے پر امریکی صدر کی تعریف کی ہے ۔
اسلام آباد: اپنے ایک بیان میں وزیراعظم شہباز شریف نے کہا کہ امریکہ کے صدر ڈونلڈ ٹرمپ نے آذربائیجان اور آرمینیا کے رہنماؤں کو قریب لانے کیلئے معاہدہ کرانے میں مدد دی ۔
وزیراعظم نے کہا کہ ایک ایسا خطہ جو دہائیوں سے تنازعات اور انسانی المیوں کا شکار رہا ہے، تاریخی معاہدے پر صدر الہام علیوف اور آذربائیجان کے عوام کو مبارکباد پیش کرتا ہوں، پاکستان ہمیشہ برادر ملک آذربائیجان کے شانہ بشانہ کھڑا رہا ہے ۔
وزیراعظم شہباز شریف کا مزید کہنا تھا کہ پاکستان امن کے لیے امریکہ کے سہولت کاری کے کردار کو سراہتا ہے ۔
یاد رہے کہ امریکا کے صدر ڈونلڈ ٹرمپ نے گزشتہ روز آذربائیجان کے صدر اور آرمینیا کے وزیراعظم کو وائٹ ہاؤس میں مدعو کیا تھا جہاں دونوں ممالک کے درمیان جنگ بندی کا معاہدہ طے پایا تھا ۔
