پشاور: معروف گلوکارہ شکیلہ ناز کامیاب سرجری کے بعد اسپتال سے گھر منتقل ہو گئی ہیں اور ان کی صحت میں مسلسل بہتری آ رہی ہے۔
شکیلہ ناز کے شوہر، معروف شاعر اور صحافی فاروق فراق کے مطابق گلوکارہ کو ریڑھ کی ہڈی میں تکلیف کے باعث اسپتال میں داخل کیا گیا تھا، جہاں ڈاکٹروں نے ان کی کامیاب سرجری کی۔
فاروق فراق نے بتایا کہ سرجری کے بعد شکیلہ ناز کو اسپتال سے گھر منتقل کر دیا گیا ہے اور وہ بفضل تعالیٰ روبہ صحت ہیں۔
انہوں نے شکیلہ ناز کی جلد صحت یابی کے لیے دعا کرنے والے تمام مداحوں، دوستوں اور خیر خواہوں کا شکریہ ادا کرتے ہوئے کہا کہ مشکل وقت میں ملنے والی دعاؤں اور نیک تمناؤں نے حوصلہ بڑھایا۔
